مدونة العيادي

    طلع يدور على رزق ولاده ووقف على الرصيف شايل عدته واقف في الشمس طول نهاره مستني الأمل يمشي برفقته لكن جاله الموت وراح خاليه معدته مات على الرصيف لكن مش هتموت على الظالم لعنته هيقف أمام ربنا وهيشتكي له ويبكي ويقول دا اللي شوفته ويقول له على الليل وطوله وبكاء ولاده من الجوع والبرد وعذابه وشدته يبكي على الظلم اللي قيده وخد من يومه فرحته وساب الحزن يذبح الضحكة جواه والظالم بتكبر ضحكته كان كل يوم يخاف تغيب شمسه ويرجع خالي اليدين ونهاره على خده دمعته وهو يشوف عيون ولاده وهم مستنيين عودته بخيبة الدنيا فوق ظهره روح قول يا رب أنا تعبت من الظلم والجور ولوعته قوله أن النوم من الهم هجرك والظلم فرض عليك سطوته ومت على الرصيف وانحرمت من ابني ورؤيته