خلك ذيب!!!

من متى يا ذيب وأنت بتسوي حساب للكلاب

نباحهم لك ما يأثر وما عمرك سويت لهم حساب

وكنت دايم تقول وقولك والله كان سديد واضح الجواب

أن الخسيس ما هو رجيل وماله طنيب ولا أصحاب

مكسور ظهره من الركوع وما ينعدل الا بالسباب

خاوي الجزع ومقصوص فرعه من شجر الاحباب

وكلامه كله معيب بين الرجال ونذير شؤم كالغراب

يا ذيب ما تظن ان بلسانه المسموم وما عنده من انياب

أنه يرهبك وتركع له وتكون كلب من الكلاب

لا يا ذيب خلك ذيب لا تكون ربي من الارباب

خنوع عبد ساجد واضع انفك في التراب

لا يا ذيب تكفى ما تخيب فيك ظننا وخلك كما عهدناك

وخلهم يعرفون ان الكلب كلب وهناك فرق بين النباح والعواء

خلك ذيب وعوي وسكت الكلاب

يا ذيب يا اللي يوصف بك النشامى من الرجال

لا تنظر لمن في الخسة عاش وشب عليه وشاب

ولا تسوي له أي حساب

يا بطل الجبال والصحاري والتلال والكل منك يهاب

خلك ذيب وخلي حياة من يكرهونك سراب

خلهم يركضون في الفلا ويعرفون ان آخرك ما ينجاب

وتموت من الجوع والجيفة ما تطيبها نفسك مهما كانت الأسباب

 والحياة من غير نخوة يا ذيب ما أنت لها حاب

فالذيب ذيب ولو رقصت على لحمه الكلاب

خلك ذيب كما عاهدناك يا فخر الذياب

محمد كامل العيادي

Alayadi_2100@yahoo.com